Русинский поэт Володимир Рошко «Микола́й іде од на́м, помочи́ на́шым слыза́м. Вốйна вốйнôв, біда в на́с…»

Русинский поэт Володимир Рошко «Микола́й іде од на́м, помочи́ на́шым слыза́м. Вốйна вốйнôв, біда в на́с…»

ВȎЙНОВЫЙ МИКОЛАЙ

Микола́й іде од на́м,
Помочи́ на́шым слыза́м.
Вốйна вốйнôв, біда в на́с.
Ту на ся́то прийшốв час.

Ми́лый, сяты́й Микола́й
При́йде, бо йôму́ не ба́й,
Што на зе́мли грі́шнуй є́.
Христия́нам вун дає́

Ра́дôсть, бу́лшу вадь мале́ньку,
Про ка́ждого дороге́ньку.
А ма́йпершу – діточка́м.
Бо їх сміх, то щастя на́м.

Коли ви́диш, як дітва́к,
З во́болока, небора́к,
Топа́ночку сам досі́гать.
Сміхо́м ро́тик ся розті́гать.

В вốчкох ра́дость блискоти́ть,
Ско́рше ву́тягти корти́ть.
Коли́ в нюй дару́нки на́йде,
Ся́то в ду́шу од нам за́йде.

Сьись дітốчий, чи́стый смі́х – 
Вдя́ка за дару́нку мі́х,
Што розно́сить Микола́й.
Пốкуй у сьись час нам да́й.

Дốвкул сме́рті, го́ре, пла́ч.
Вốйна – се т’ти не кола́ч.
Най слызы́ ву́схнуть на ча́с,
Микола́й прийшốв до на́с.

Вояка́м, їх мамочка́м,
А ма́йбулше діточка́м,
Най ся ра́дость усміхне́,
На души́ тепло́ буде́.

Зимы́ сту́дінь най розто́пить,
Вốйну ру́ську най фрац хо́пить.
Б’ють кано́ны, грими́ть грі́х,
Айбо́ Микола́йув мі́х

Ся́то нам подарова́в,
Ві́рі на́шуй си́лу да́в.
Ра́дуйтеся діточки́!
При́йде за́втра. І чички́

На сюй зе́мли попале́нуй
Зацвіту́ть на вже зеле́нуй.
Буду́ть кві́тнути дôвко́ла,
Узве́ся чінґо́вом шко́ла.

У во́болок Микола́й
Кло́пкать, а ты убера́й
Із топа́нки хôть крихту́
Ра́дость, в дни́ну золоту́.

Де бы ко тепи́рь не бốв,
Не дай Бог, бы не забốв,
Ош нись хо́дить Микола́й.
Чого́сь лі́пшого чека́й!

Наладжє́ні вжек топа́нки,
Нас чека́вуть радова́нки.
Про русна́ку Микола́й – 
Не за стул сесе́ сіда́й.

У пога́рах не налля́то,
Се ді́ла душі́ нам ся́то.
І на фрốнті, по хижа́х,
За гата́ром в вариша́х,

На́шуй че́ляди пуві́м:
Із добро́м в души́ жыві́м!
Микола́й вас обдару́є,
Ме́жи нас вун, уже́к ту́ є!

З ся́том вшы́тким ґратулу́ву
І сери́нчу вам вінчу́ву!
Без слызу́ най ка́жда ма́ти!
Ми́ру, ла́ски, благода́ти!

Автор: Володимир Рошко

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на автора; Володимир Рошко https://rusinskiimir.ru/  в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Добавить комментарий

Иконка левого меню