Збірка партітуры про восточны християнскы богослужбы, котру ушорив єпископ Авґустин Євґен Горняк ЧСВВ (1919-2003) 

Збірка партітуры про восточны християнскы богослужбы, котру ушорив єпископ Авґустин Євґен Горняк ЧСВВ (1919-2003) 

ПАРТІТУРА СКАЧАТЬ

Тото є збірка партітуры про восточны християнскы богослужбы, котру ушорив єпископ Авґустин Євґен Горняк ЧСВВ (1919-2003) у році 1957 у василіанскій семінарії у місті Мандер, Алберта, Канада. Книга містит у собі вельо мелодій, котры Горняк аранжовав під хор про чоловічы голосы іщы будучи священником.

Авґустин Горняк ся родив у русинскій родині у Войводині. Штудовав у Папскій руській колеґії св. Йосафата в Римі. Умілый музикант із мелодичным тенором, Горняк ся быв мотивованый научити уміню хорового діріґованя.

У баламуті Другой світовой войны еміґровав до США, де наступив до Русинской єпархії в Піттсбурґу як хормайстер. У 1956 пішов до Канады, де ся прилучив до Чину св. Василія Великого. Одтам перейшов у Стемфорд у Коннектікуті, де учив на католицькій семінарії.

Быв высвяченый на єпископа в році 1961 в Соборі Непорочного Зачатя (УГКЦ) в Філаделфії.

Быв першым екзархом Українского апостолского екзархату в Великій Британії. У часі службы трафив у поплетену історію. Як представитель традиційной «руськой» орієнтації, консервативной у церьковных вопросах, быв у конфлікті з «патріаршов партійов» Йосифа Сліпого.

Сліпый, котрый терпів у совітскых лаґрах, быв ослободженый з помочов влады США, і пізніше засів пост кардінала. Зачав ся церьковный конфлікт меджи консервативнов (часто латинізованов) руськов сторонов і партійов Сліпого, проґресивныма українофілами, што хотіли обновити церьковну структуру з твореньом Українского Патріархата, вызнаного Римом і Константинопольом.

Горняк, представитель «старой ґарды», лоялный Ватикану і Конґреґації восточных церьков, мусів одыйти по наростаню вплыву Сліпого. Обі особы были важныма церьковныма водителями, і были меджи участниками Другого Ватиканского собора, што значно перемінив і обновив структуру і перспективу Римокатолицькой церькви.

Горняк умер у році 2003, мав 84 рокы. Іщы раз дякуєме приятельови і колеґови Маркіянови Комічаку, голові Ukrainian Church Music Archive — проєктови з каталоґізації важных музичных творів – за одоступненя того документу, што являт інтерес про русинску і українску громады.

Доступ до документа ласкаво даный нашыма приятелями з Ukrainian Church Music Archive.

Вместе с вами мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/Василь Матола, в иных случаях будем обращаться в соответствующие инстанции (админам соц.сетей, и Суд).

Добавить комментарий

Иконка левого меню