ШКОВРАНОЧОК Уж минуло яр і літо, зышол теплий час, уж не ходит радіст сьвітом, уж єй неє в нас. Шковраночку милий мій, де єс ся мі пташку діл, уж не чутний над полями твій чудовий сьпів. Вітер дрылят конарикы, жене жолтий листь, сивым смутком, німым крком туга душу іст. Шковраночку милий мій, де єс ся мі пташку діл, уж не чутний над полями твій чудовий сьпів. Осін члапкат за облачком, шыбы мочыт дош, журба сіром стерньом крачат, дост мам того, дост. Шковраночку милий мій, не одперхай з моіх мрий, най ся діжду красной весны, вчую зас твій сьпів. Автор: Петро Мурянка
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/, Петро Мурянка, в иных случаях будем обращаться в соответствующие инстанции (админам соц.сетей, и Суд).
