ТУГА СТАРОГО ДІДУГА ꞊Под ліру класика꞊ «Сяду я за стол да подумаю: Как на свете жить одинокому?» - А.В. Кольцов Ляжу в постіль я Та й подумаву: Як на світі жити Престарілому? Найшла дідугана Мара препогана: Знебавила діда Утіх сього світа. Удобрала ґустуш – Смакоту житя, Загасила луксуш – Радÿсть бытія. Вмісто них пілулки Динь што динь льоґати - Болі напастливі Утихомиряти… Палиця-криваня, Шпотана ходьба – Така неблага в ня Дідÿвська судьба. Ляжу я на софу Та й послухаву Думку філозóфа На мою тугý: Не нарікай, друже, На старÿсть недужну. З недугами жити Треба ся навчити. Радше тяжкі думы Оберни на гумор. Вберни на лавровый Свÿй букет терновый. Палицю-криваню Завадь на стромак, Полади крысаню Й задупкай «Гопак»… Навернеся ґустуш – Смакота бытя, Розбудить ся тонуш – дяка до житя… с. Голубиноє, Подкарпатя Автор: Василь Молнар
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/,и автора Василь Молнар, в иных случаях будем обращаться в соответствующие инстанции (админам соц.сетей, и Суд).
