Русинская поэтесса А. Цiрик на Русинском языке: Файнi “Казкы Верховины”, треба iiх читати. І добру, що є в тых казках дiточок навчати.

Файнi “Казкы Верховины”, треба iiх читати. І добру, що є в тых казках дiточок навчати.

Фото. Книга “Казкы Верховины”. Русинский Мир.

Сижу ввичирі у хыжи:

-Чим би ся заняти?

Тай рішила м як у дєтстві

Казкы почитати.

Забиламся в стилаж книжный,

Книжку з казками ськаю:

-Ба яку бы із них взяти?

Бо не одну маю.

Фото. Олекса Довбуш национальный Русинский герой. Русинский Мир.

Беру “КАЗКЫ ВЕРХОВИНЫ”-

Дуже стара книжка.

Не треба ся натігати-

Низько з нив поличка.

Сілам на дiван із книжков-

Сторінкы гортаю.

Фото. Русинская Сказка про Долманеша. Русинский Мир.

І з “Казками Верховины”

В детство ся виртаю….

Туй є про опришку казкы-

Борцю проти панства,

За простый люд роботящый

Що не знав бітанґства.

Фото. Русинская Сказка про Долманеша. Русинский Мир.

Дале-про песиголовцю-

Мурянькы по шкурі-

Пише, що много їх жило

Давно на Магурі.

Но а дале-всякі графы,

Принцы і князі,

Про чудака, що знав йграти

На однуй нозі.

Фото. Танец Опришков. Русинский Мир.

Про принцес, графинь, княгинь

Що суженого ждали-

Они у своюй красі

Прилюб-зілля мали.

Про усякых богатырю,

Силачу Карпатськых-

Вни невероятную силу

Мали з году юнацькых.

Фото. Восстание Опришков. Русинский Мир.

Є в чудному світі казок

Радость і любов,

Краса, доброта, типло

Умыті росов.

Файні “КАЗКЫ ВЕРХОВИНЫ”-

Треба їх читати.

І добру, що є в тых казках

Діточок навчати.

автор: Аня Цiрик.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Аня Цiрик, в иных случаях будем обращаться в соответствующие инстанции (админам соц.сетей, и Суд).