Молодой Русинский историк М.Чикивдя, затронул важный вопрос: Мы можем потерять Русинские традиции, а можем сохранить.

Молодой Русинский историк М.Чикивдя, затронул важный вопрос: Мы можем потерять Русинские традиции, а можем сохранить.

УСЬО СЯ МІНЯТ.

Час плыне, ги вода. Ни прӯйшло ипен и тӯлько много рōкӯв, айбо замітно як усьо ся мінят дōвкола. Час діє и на нас. Дуже видко, як за ōпридїленый час пōміняв ся руснацькый живот. Стали ни тоты цінности, ги были давно, а што было привычноє, на днешный час стало дуже чудным, нипонятным.

И исе нормально, видав.

Світ ни стойит на містї.

Фото. Заброшенная Загот-контора, весовой контроль в горах. Русинский Мир.

Давно малинькі дїточкы, выд 6. рōкӯв гнали кōрōвы на тōлōку. А типирь ци выладила бы чіясь мати малого хлочика из худōбōв. Ниґда шуга!

По правдї, типирь мало тко из дїтий знає, выдкы и бере ся тото молоко. Кōнї, вӯцї тоже ипен стали такі екзотичнї, ги якась звірка.

У 2005. рōцї ищи я затямив, як орали кӯньми, у мōйōму селі. И на тот час было ищи дуже читаво худобы, айбо на тōлōку ї ни гнали. Затямив им прадїда Ивана Яну, котрый тоды ищи вӯчарив. Айбо через пару рōкӯв, коровы зачали масово здавати.

Фото. Заброшенный сарай в горах. Русинский Мир.

Ни кажу уже нич за кōнї тай вӯцї.

Типирь ся кобы упстала тритя часть из тых вшидкых кōрӯв, што были. Давно люди косили усяды и дуже много. Кӯсницї, сїнокосы, чистили, ōбы мож май читаво накосити. Треба было много косити, бо 3. копицї (ци 2, точно ни тямлю) мали ґазды здасти колгōспу. Тōму у каждого кӯсниць было много и ōни били великі. Усяды по гранках было читаво колиб, ōбōрōгӯв, сіновалӯв. Были и хыжкы из стайнями, де дакōтрі люди перебывали цїлі сїнокосы из худōбōв.

Фото. Сено собрано в копны в горах. Русинский Мир.

Была тоды по вшидкых гранках красота, бо вшидко ся пӯдчищало та кажда коцка была выріхтана. Были файнї путикы до зворин, кырниць. А на днешный час, де є ищи кӯсниця, та ōто уже, ги оазис в пустини. А инше заросло драчом тай прямничом. А ōты міста, де были толокы, тоже вшидкі заросли папōрōтьов, даґде берӯзником тай вӯльшом, а особенно драчом.

Фото. Оборуг под сено в горах (современный, но, заброшенный). Русинский Мир.

Лиш пōвпставали ся старі, зарваті колибы, оборогы, ги памнятка.

Памнятка того, ож як давно люди велику часть літа нарабляли там, из сїном. Мож натрапити на останок арсагӯв, котрыми люди кӯньми везли сїно дōмӯв. Исе тоже выдбыток истōрії. Хōть типир уже лиш датко косит кōсōв, а май много кōсїлками, а заладити ся мож за тыждинь, кидь година, но всьо руно, чилядь лишат ся сього. Здавут коровы, бо уже пōлучат ся так, ож ни выгодно іх держати. Айбо кидь чилядь лишат кӯсницї, та помалы буде лишати и сотины в пōлю. Туй брати лише ōто, ож кӯлько давно было кланнїв из быльом на опшарю, а типир лише даґде.

Фото. Кукурузное поле в Карпатских горах. Русинский Мир.

Кіндирицю сїют лише тōму, бо мавут хосен из струча, а быля ся лишат. Пак го трактором пересікавут, авадь палят, тко як. Но тай друга причина. Кидь на ґаздӯвстві ни є коровы, та пак нічим буде и сотины ōдобряти. Ōты усякі добрива ни сут такі ипен ефективнї, ги гнӯй. Та пак и булі так ни будут родити. Дале мнōгі си начнут думати, ож вытратили май много, ōбы булі посадити, покопати, поливати выд жукӯв и выбрати.

Фото. Кукуруза сохнет под крышей в Карпатских горах. Русинский Мир.

Та ліпше си великых купити. Айбо кидь сут у стайни свинї, та треба ім тоже буль. Кидь ни буль та бурак, дынї, кабачкы. Тоды ся пōлучит, ож уже и свинї ни дуже пӯдхōдят. Сякый ся пōлучат замкнутый ланц. Тай уже на днешный час читаво сотин по пōлю просто заросло буряном, ни кажу уже про тото, кӯлько у нашōму цїлōму реґіōні є зарōслōй землі. Як буде дале? Годно были лише так, ги ōто є типирь, а може, ги стара чилядь каже, ож ищи усьо будеме чистити, ōбы косити худōбі та з чого сь жити. Увидиме…

автор: М.Чикивдя.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).

2 комментарии “Молодой Русинский историк М.Чикивдя, затронул важный вопрос: Мы можем потерять Русинские традиции, а можем сохранить.

  1. Правду каже Мішка, усьо ся мінять, но що мы зробиме? Мусиме ся пудчиняти сему часови. Як ото замінити? Типир паця купити, та абы го выгодовати, та треба 10 тисяч гривню тай ото ни буде всьо. Лучше купити на базарі.

  2. Да такое везде. Люди не хотят этим заниматься, так как много времени уходит, денег на кормежку. И получается дешевле купить.

Comments are closed.

Left Menu Icon