Поэт И. Бинячовский представляет на Русинском языке, Великое Русское произведение Лермонтова: Бородiно По-Нашому!

— Повіш ми вуйку, ци ни даром?

Москва, скыпіла пуд пожаром,

Франьцюзам уддана.

Дись были й схваткы ни плохії,

Приказуют, ище й якії,

Ни задарь тямит вто Росія,

За динь Бородіна!

— Ей, были люде в наше времня,

Ни вто, што нись бездарне племня,

Лиґінство, а — ни вы!

На них упала пулла доля,

Ни многі ся вбернули з поля,

Ни буть на вто господня воля,

Ни вддали бы й Москвы!

Мы довго мовчкы пішковали,

Ни розумію што сьме ждали?

Уд страху в ґаті сьме наклали,

И молоді й діды.

Пак уднайшли сьме руне поле:

За годы три, коньом ся з оре,

У килюхах нас вд того поре,

Й лягли сьме у траву.

Паруєме шрийты патроны,

Пак набиваєме каноны,

Сяті отцы звонят у звоны —

Франьцюзы туй як туй.

Я цівку набиваю туго,

Стрільну вд души в такого друга!

Пак смолі повбтираю свої,

Типирь нас лишиш у покої?

Ниє про што нам говорити,

Ци фіґльовати ци хытрити,

Мы встанеме гурі габов,

Вбы наламати малость дров!

Дві днины сьме як у страхови,

Што толку, палинкы ниє?

Ани куска веречи псови,

Лиш дым і чад на нас паде.

Подекуды рвут серце речи,

«Картечов сволоча картечов!»

Пачмаґы гет вонячі вд сечи,

Спасла нас темна нуч.

Я прикимарив коло воза,

Загрыз им росяного ґоза,

Простяг им лабы й мало прусь,

А дись реве, чумный французь.

Мигаль фатюв усе уткрытый:

Вун ківілный но айбо сытый,

Баґнет точив — сукав у каминь,

Й кусав губу бо пив бы кавиль.

Лиш тулко небо засвітило,

Нагле ся всьо зашевелило,

Затяг рекруцькый славный хор,

Й пуднявся нагле шор на шор.

Наш бачі быв из острым хватом:

У пьянці звав усіх нас братом…

Дустав по тімньови булатом,

Й лежит в земли сыруй.

Кричав рычав пуля очима:

Фатьове, тко видів Якима?

Но всі ся мовчкы лиш вбзирали,

Бо за Якима знать ни знали.

На сийсь пуслідный бой,

Держали ипно строй.

Вто была днинка, крик фанфары,

Франьцюзы рушили гий хмары,

На нашых так и прут и прут,

Гий тот тальянськый фондій спрут.

Вам не видать такої биткы,

За цілу днину докіть видко,

Гриміло лускало кыпіло,

Докы нам вто ни надоїло.

Булат ся грыз, картеч свистала,

Рука от того отказала,

Кобыла в возі ся вбы*рала,

От тої суєты.

Нись супостат дустав ни мало,

Увідів битку вун удалу,

Наш лиґіняцькый бой!…

Дустав франьцюськый гой.

Земля вздрыгнула — в нашых грудьох,

До ракаша і коні й люде,

И залпы милийон орудій,

В тяжкый ся злили вой…

На йсе нам дали чіжмы нові,

Мы были вд тому всі готові,

З канчова упили винця,

Типирь гайда гет до кунця…

Бубны згриміли ги бараны —

И отступили бусурманы,

А мы, латали свої раны,

И соберали рвані фаны.

Ех, были люде в наше времня,

Мочне, лихе простяцьке племня,

Вто были люде — а ни вы!!!

Гурька дусталася им доля:

Ни многі з того вуйшли поля.

Обы на вто ни божа воля,

Ни вддали бы й Москвы.

автор: Иван Бинячовский.

Вместе с вами мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора Иван Бинячовский, в иных случаях будем обращаться в соответствующие инстанции (админам соц.сетей, и Суд).