Кой я йсе пишу — щи м живый. Кой ты йсе читаш — я вже вмерлый. Сись шор стиха — ож бы сятый! Тобі не явить лик мӯй стерлый. Я — быв! — й ни думай, ож я — є! Тай ни гадав, ож я — ни буду... Лице світило ся моє, И дыхали глубоко груди, Думкы ройила голова, Кров тїлом серце розганяло... И — раз! — лише душа жива... А тїло — вмерло, и пропало... В сисе повіровати трудно — Ниґде не видко вже й мӯй прах! Та як бы вто не было чудно: Я єм живый — у сих стихах! А йсї слова мої — русинські! — Сяті, безсмертні наяву. Ты видиш — читаш йих! — инниськы! — И я — инниськы! — в них живу! Автор: И. Петровций
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперактивную ссылку на источник https://rusinskiimir.ru/ и автора Иван Петровций, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
