ЙДУ ДО ВАС КОЛЯДУВАТИ, ГОРАЗДУВ ПОВІНЧУВАТИ! И́ппні ґа́здо и ґазды́нько - Дни́ська вінчува́ти Мы́ вам бу́деме файни́нько, Йщи́ й колядова́ти! Ва́м здоро́влячко муцно́є Вíнчуєме щи́ро! Бу́де най - таги ново́є! Жы́йте в ща́сті з ми́ром! Най любо́в цвіте́ прекра́сна Префа́йно й барви́сто! А Звізда́ Поля́рна, я́сна Для вас свíтить чи́сто! Вінчу́єме ва́шуй хы́жци Доста́ток фурт ма́ти! Ги напи́сано у кни́жці - Го́ря не зазна́ти! Най вас А́нгелы соко́тят Каждый день у ро́ці! На́й серенча́ з ва́ми бу́де На ка́ждому кро́ці! Навінчу́єме вам по́вно: Жы́ти до́вго й полюбо́вно! Горазду́ и благода́ти На обыйстю уга́й мати! Вінчу́єме префайни́нько Ся́тка сяткова́ти, При здоро́влю, весели́нько До́бре ґаздова́ти! Ра́дуйме ся! Веселíм ся! Христóс ся рождáє! Віфлеємська Звіздá я́сна В Небеса́х зася́є! Най красно́ вам Бо́жа ми́лость До́броє дару́є! Най дары́ Його́ и ще́дрость Вшы́тким похосну́є! У комо́рі й на столí Нáй фурт пóвно бýде! Ги замóжні королí Жы́вуть най всі лю́ди! Нашуй зе́мли повінчуву Миру й благодати, Файноє напророкуву На будо́уцность мати! Най Бог дасть нашуй державі Свою ласку й милость! Дні фурт красні и ласкаві Най туй жьіє щирость! Автор: Леся Адамова Стецович čtvrtek 9. prosince 2021 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.