Молодой Русинский историк и краевед Михаил Чикивдя, подготовил архивный материал, о численности Еврейского народа Довжанского округа, Мараморошского Комитата, с центром в Довгом.                     Русинское национальное достояние!

Молодой Русинский историк и краевед Михаил Чикивдя, подготовил архивный материал, о численности Еврейского народа Довжанского округа, Мараморошского Комитата, с центром в Довгом. Русинское национальное достояние!

Молодой Русинский историк и краевед Михаил Чикивдя, подготовил архивный материал, о численности Еврейского народа Довжанского округа, Мараморошского Комитата, с центром в Довгом. Русинское национальное достояние!

ЄВРÊЇ ДÓВЖАНСЬКОГО ÓКРУГУ, МАРАМОРОШ (по данных архівных переписӱв) Дóвжанськый óкруг быв єден из óкругӱв Мараморошського кôмітату из центром у Дóвгôму. У состав óкруга, кроме центрального Дóвгого входили: Бêрêзникы. Кêрêцькі, Лисичево, Кушниця, Суха-Брóнька, Заднє (Приборжавсьвое) Липицька Пóляна и Липча.

Єврêї зачали приходити у села óкругу выд другóй половины 18-го ст. айбо їхньое число спиршу было дуже малое. У тот час вêликое число єврêїв утікали з Пóльсько-Литóвськóй Рêчі Посполитóй, через погромы, кутрі робили гайдамакы и через нêпрôсту ситуацію, котра ся стала через трьох пóділӱв Рêчі Посполитóй. Наведу Вам єден интересный факт.

У 1880 рóцї число єврêїв вшиткого Мараморошського кôмітату складало 12 361 чôл, що є на 13 чôл май бӱльше общого числа людности Дóвжанського óкругу (12 348 чôл). Из каждым роком число єврêйськóв людности росло. У 1880 рóцї їх было 555 чôл, а у 1910 рóці – уже чуть бӱльше 2 800 чôл. Чим ся занимали єврêї? Дуже много из них, ги русины, робили на зêмли, занимали ся вӱчарством, садоводством, пчолярством, лісорубством. Вêлика часть была плотарями и занимали ся торгóвльов. Айбо у 1890-х роках у Подкарпатя зачали прибывати другі єврêї из Галичины, кутрі уже нê хотіли робити, ги свóї спӱввірникы, а замість того строили корчмы, выдкрівали малинькі бóвты, куповали млины и так дальше.

У чехоловацькый пêріод, число єврêїв змаліло ся, за данными перепису до 2716 чôл, айбо уже у 1930 рóці число людности выросло до 3 530 чôл. Ги видко, сись час быв доста красный и про сий національности и характерно быв замітный розвóй іхнього бізнесу(гóнні сте увідіти архівных данных «Podkarpatská Rus business directory». Также всьо ся пôліпшовало у рêлиґійнôму и культурнôму планах. Вшитко ся яло міняти, кой у 1939 рóцї, Мадярщина ôкупіровала Подкарпатську Русь.

Чêрêз принятї антисимітські законы в Мадярщинї (1938 и 1939 рóкӱв), єврêї ставали обмêжинї в правах, нê гóнні занимати дêржавнї посады, а пак были приняті декреты за якыми выд єврêїв забирали ґаздӱвства (млины, корчмы и т.д) и хащі. Уже выдтоды датко прóбовав тікати у Захӱдну Єврóпу, а много было и такых, тко ворохом из Русинами тікали у Радянськый Сôюз, выдкы їх выдправляли у лаґеря ГУЛАГ.

На зачатку 1941 рóку ряд єврêйськых файт без мадярського гражданства, были высланї на ôкупіровану украйинську тêритóрію, у Камянêцк-Подольск и убиті там. Также сього рóку дисяткы файт были призванї у трудові батальоны, а инші для службы на Восточнôму фрóнтї. Уже у 1941 рóці число сий людности змаліло ся до 3 342 чôл. 16-29 апреля 1944 рóку мадярські жандармы повыганяли вшиткых єврêїв из своих хыжӱв и выдправили в гетто Берегова, котрое зробили на тиґляному завóді. Умовы там были дуже паскунні, їды было мало.

15 мая 1944 рóку всьо гетто упаковали у пóїзд и выдправили іх у Аушвіц.18 мая ôни прибыли и того ж дне пошти вшиткі умерли у ґазовых камерах. Тых тко ся лишили ся живыми было дуже мало. Дуже много родин емігровали у США, Чехословакію, Израиль. Айбо до 1975 рóку у Кушници и Дóвгôму лишало ся пару єврêйськых родин, айбо и ôни пак емігровали. На даный час по перепису Украйины 2001 рóку, у селах бывшого Дóвжанського óкругу єврêї нê живут, а коли сь єврêї у каждóму сêлови óкруга были другі за русинами по чисельности. У Приборжавськôму, Кушници, Дóвгôму сохранили ся дома, де были синагогы. У каждóму сêлі сохранили ся тыны (кладбища), айбо дакутрі из них у дуже паскуднôму станї На обращику єврêйська файта у сêлі Липча, 1941 рóку).

автор: Михаил Чикивдя.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).

Комментарий “Молодой Русинский историк и краевед Михаил Чикивдя, подготовил архивный материал, о численности Еврейского народа Довжанского округа, Мараморошского Комитата, с центром в Довгом. Русинское национальное достояние!

Comments are closed.

Left Menu Icon