История русинов. Молодой краевед и будущий историк Михаил Чикивдя, собрал архивные данные о крупных владельцах земли Подкарпатья. Сегодня речь пойдёт о Шенберге. Переходите по ссылке на сайт.

История русинов. Молодой краевед и будущий историк Михаил Чикивдя, собрал архивные данные о крупных владельцах земли Подкарпатья. Сегодня речь пойдёт о Шенберге. Переходите по ссылке на сайт.

ВЕЛИКІ ЗЕМЛЕВЛАСТНИКЫ ПОДКАРПАТЯ: ШЕНБЕРГЫ.

ЧастьІ

У період свого розцвіту, Шенбергы, из центром на Чōнку, занимали 0,78% выд вшидкōй теритōрії краю, што клало іх на 3. місто по числу земиль пиля великых землевластникӯв. Перві были Шенборны, а за ними Телекі. Телекі за даными 1928. рōку мали 1,80% земиль Подкарпатя. Додам до сього, ож Шенбергы, у котрых была резидинція на Чōнку, мали землі днешных Березникӯв и Керецьок, а за теритōрійōв Марамороша ōни ни ґаздовали. Занимали 1,03% теритōрії Марамороша, што кладе іх на 2. місто пӯсля Телекі (1,76%). Сам Чонок, за кадастровыми картами, выдносив ся до Керецьок.

Фото. Карпатские горы, красота Закарпатья в первозданной природе Колочавские виды. Русинский Мир.

А з чого ся вшидко зачало?

  • У 1858. рōцї теритōрія Чōнку и инших земиль, была куплена саксонськым бароном Еріхом Шенбергом (1812- 15. мая 1883.). Пӯдтверджує ся пōдїя у “Gothaisches genealogisches Taschenbuch der Uradeligen Hauser 13.” (1912.). Были у нього ищи нивеликі маєткы и землі у Германії, вшидко 459. га.
  • За дōкументами, династїя Шенбергӯв у первый раз ся споминат у 1 166. рōцї. У 15. ст. Шенбергы ся пōділили на дві лінії. Перві перейшли у лютеранство, а остальнї католикы. Еріх Шенберг ся выдносив до другōй лінії.
  • 11. июня 1884, через рӯк за смиртьов вӯтця, ōфіцїально приняв наслїдство по вӯтцьовськӯй лінії 30. рӯчный  Дональд Шенберг, котрый до того май бӯльше жив у Саксōнії. Ищи через рӯк женив ся на Еммі Терез фон Остерієт.
  • До Чōнку ся выдносило 10 054 га земли, из котрых 8 971 га припадало на хащі, кōтрі были пōдїлинї на чотыри части. Туй робив лісный урядник, 5. лісникӯв и лісный адюнкт. Барон управляв двома дворами, 4. млинами, лісопілкōв и вшидкыми землями.
  • За Дональда Шенберга знали, видав, у всїй державі, ги знаного вадаса. На його  великоє «опаря» приходили вадасовати и другі знані вадасы, а простым людям до його хащӯв дōступа ни было. А водило ся у тых хащах дуже читаво усякōй дикōй звіркы,
  • Сут за землевластника написанї статї у такых газетах, ги «Zemplén» (1892, 1897),  «Központi Értesítő» (15.апреля 1900.), «Bereg» ( 1892.), «Vadászlap» (1900., 1902.), Pesti Napló (1907.) и т.д.
  • У 17 апреля 1894. рōцї у газитї «Zemplén» напичатана реклама сїна барона. Тоже интересный факт, на якый им натрапив.

Фото. Карпатские горы, красота Закарпатья в первозданной природе Колочавские виды. Русинский Мир.

Подаву текст:

СЇНО.

Ліпшого качества сїно, што го пресувут у горах и вырōщувт на сухых долинных лугах. Цїна: буде согласована из адміністрацїйōв маєтка барона Шенборна (Чонок, Керецькі, Мараморошськый кōмітат).

  • У 1899. рōцї Дараньи Игнац, міністр сїльського ґаздӯвства Австро-Мадярщины 1895—1903. и  1906—1910. рōкӯв, приходив из делегацїйōв, у Мараморош, из цїльов реалізацїї економічных планӯв міністра, у бідных русинськых селах.
  • Пӯсля збōрӯв, у понеділок, 24 июля 1899. выдправив ся на Стōй, а компанію му создав Дональд Шенберг, котрый пӯсля спуску из полонины закликав міністра на гостину у свōю вадаську хыжу у Ріцї (урочище).
  • При Чехословакії, у архівных записах  «Podkarpatskа Rus business directory – Подкарпастька Русь бізнес каталог», Шенберг записаный ищи, ги землевластник у Березниках и Керецьках (данї за 1925. рӯк).

Фото. Карпатские горы, красота Закарпатья, молодые русины убирают сено. Русинский Мир.

Умер Дональд 26. фебруара 1926. рōку. Дале, у записах землевласникӯв, уже ни є записано никого, хōть пӯсля смерти барона, маєток перейшōв у другі рукы. Дїло зробила земельна реформа, кōтру зачала чехословацька влада у 1925. рōцї.

автор: Михаил Чикивдя.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).

2 комментарии “История русинов. Молодой краевед и будущий историк Михаил Чикивдя, собрал архивные данные о крупных владельцах земли Подкарпатья. Сегодня речь пойдёт о Шенберге. Переходите по ссылке на сайт.

Comments are closed.

Left Menu Icon