Епідемія корелы у Сваляві 1913 року
20. октовбра 2019 Історія
Перед зачатком Великой мировой войны, у Сваляві и у ближайшых населенных пунктах, стала ся вилика епідимія корелы. Прийшла ота проблема в подкарпатськый город из Галичины. До слова, доста повно проблем, як давно приходило, так и типирь приходит, в Подкарпаття, именно из-за перевала. Исе вшиткым на замітку.
Подкарпатя было выдсталым риґіоном, де пошти ни было розвою мидицины, тому ніщо ся чудовати, ош нашым крайом фурт проходили епідимії, и они мали дуже страшні последсвія. Я уже писав, про хвороты Довжанського округу Мараморошського комітату. Тоды были повмирали дисяткы беризнян и керечан, а по вшиткых селах округу число жертв доходило повер сотнї. Про Свалявську епідимію активно писали у государственных газетах. Май бульше статтїв было написано у мадярськуй газиті «Szamos» за септембер 1913 року. Мусай признати, ош исе дуже интерисні статі, де хоть накурто, айбо дуже інформативно усьо ся подавало.
Подаву текст, убы усїх кого интересує, могли тоже прочитати и мати интересну информацію.
БЕРЕГОВО, септембер 2
У Бережському комітаті корела ширит ся, розводит ся дождливо. Было офіціально пудтверджено, ош епідимія прийшла из Галичины у высокогоря Мадярщины. Є уже пару пудозрітїльных случаїв и пару смертий недалеко выд Свалявы. У случаї Свалявы, бактерологучноє іследовання установило, ош ото была азіатська корела.
Офіс управліня Провінціального округа Берег сообщив у ридакцію «Szamos» исе:
– корела была привезена из Галичины. Вода у ріці Латориця была повностю заражена бактиріями корелы. На жилізнодорожнуй лінії Мукачево-Стрый зачали ся етапы епідемічных пиривірок. У двох сусїднїх селах тай у Волувци и Скольому, было пару случаїв зараженя и пять смертий у суботу; у Воловци три смерти, у Скольому дві.
– Приняли сме всі міры предосторожности, убы предотворити дальшое шириння хвороты. Заміститиль ґубарнатора запрітив пользовати ся водов Латориця по вшиткуй странї. Вдоль рікы є воєнні, кутрі итак хоснувт воду Латориці, нипозиравучи на запріт.
Дниськы на місто дії прийшли заміститиль єпископа Іштван Гулачи, инспектор общественной охраны здоровля Блюм и главный медичный рубутник округа. офіціальных вістий про кулькость нидавных захворювань рас ни поступало.
БЕРЕГОВО, септембер 2
За пусліднїми данными, двадцїть пять чолувік у Сваляві и Волувци захвуріли корелов. Нитко из Галичины ни буде допущенный до Свалявы и до Нижнїх Ворут до сфер услуг.
Субота, септембер 2
Віце-канцлер комітату Берег позаганяв обявы по вшиткых округах и городах у районі епідимії, убы проинформовати власті про захворюваня корелов и смертильні случаї у Воловци в Скольому. Міськый голова Свалявы Каролі Важай, кой получив обяву выдав розпоряджиння жандармам про арешт галичанськых вандрувникув на території, де бушує епідимія.
Сякі кутрї статтї про хвороту, про яку активно писали и подавали информацію. Як видите, проблема была сирйозна и власти як лиш могли, старали ся щось зробити. З єдного боку ни правильно м написав, «епідимія у Сваляві, бо она ширила ся на вилику площу, айбо з другого боку, самый пік хвороты зачав ся именно у сьому городі, и властям треба было ставати на радикальні міры щодо галичан.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
