Мало гумору
І СМІХ, І ГРІХ. ХЫТРА ФРОСЯ. Фрося надумала замуж- Діда захотіла. Та кой дідова родня, Фросю не взлюбила. Дідо має дом выликый, Ґаздувство не погане. Має сад і огород, І вино в пудвалі. Має пінзію вылику, Цілі...надцять тисяч. Тай іще дідо калимит, Пару раз на місяць. Фрося всьо обмірковала, Усьо прощитала- І надумала вженити, На собі Івана. Свої губы розкатала, Що хыжу дустане. Дідови так і вказала: -Дай хыжу, Іване. А Іван усьий в роздумах, Що має робити? - Чы жинитися на Фросі, Чы може лишити?! Та коли учув про хыжу- Гнів діда узяв. Кричучи беззубым ротом, Фросю вон нагнав: -Бем тя бурше я не видів, У двурци мойому. Ты ни будеш ґаздовати, На здоровлю мому... Фрося свою модну ташку, Пуд плече узяла, Щось бубонячи пуд нус, З хыжі ся забрала. А дідо ся ужинив, Файну жону має... А про хытру, наглу Фросю, Гадкы вже ни має. Автор: Аня Цірик 16.01.2022 рік.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Аня Цiрик, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
