Мене вы справно уб'нимали, И я вас читаво вб'нимав, Сирця з груди ся вырывали, И я до себе вас позвав. Я кликав вас на фінджю кавы, Ош вы порядна є жона, Но вам ся хотіло забавы… Но вам ся хотіло вина. Но гий на зло вина ни было, Быв кавіль тай тото чуть-чуть, Чомусь вун пах гий скысле мыло, И в вас пропала нагле хуть. Мы тої днины розыйшлися Я вам и капкы ни налляв, В любви мы так и ни найшлися, Бог дай им ніґда вас ни знав. Про вас исповню забаганку, Куй зайдете й погощу вас, Вина напаровав им банку, Най жде як кажут слушный час. Бо вы так файно ня вб'нимали, Ни мали сьте у втому лінь, Бо ще й по-правді сьте й ни знали... Якый в руках у вас лиґінь! Автор: Иван Бинячовськый Така она любовна лірика сятила бы ся
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: ИВАН БИНЯЧОВСЬКЫЙ в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
