ДО ТЕРЕБЛА НА БАЗАР
У Теребли на базарі,
Продают худобу,
Я на біціґлі си сяду,
Тай махну в дорогу,
Через штреку потихинькы,
Спущу ся в долину,
Красота кругом довкола,
Видко полонину.
На Менчулі снігу повно,
Вітериць студеный,
Но на мині кобат теплый,
Малость поношеный,
На ногах у ня бокончі,
На копони шапка,
Дідо муй ї ще носив,
Дала ми ї бабка.
Педалюю на біціґльох,
Вітериць неси ня,
Скоро буду на базарі,
Обзирати свиня,
Туй пацята клеповухі,
Малі тай великі,
Шуньдьовикы полосаті,
Чисто гібы дикі.
Выросли в ціні у двычи,
Доляром зморило,
Ныні м свиня ни купив,
Гроший ни хватило,
Не велика вто біда,
Ніщо ся журити,
Прийде ми ся через тыждинь,
Май назат крутити.
Та помалы си покручу,
Дас Бог прийде днина,
Обы свинятко купити,
Буде солонина.
Из зборника "ПОЕЗІЯ МОЙОГО СЕРЦЯ" 2016г.
Автор: Иван Бинячовский
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: ИВАН БИНЯЧОВСЬКЫЙ в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
