Завтра аж ни буде буря,
Тычу ся у варош,
Прикупити на ся цуря,
Рвеся будиларош.
Ґаті баршуньові чорні,
Авадь кавільові,
Й даякі половичкы,
Будут ми фойтові.
У такум прикиді новум,
Пуйду до Сигота,
Кажут тамкы молодиці,
Файно дают рота.
В околаріях тальянськых,
В модно - гоноровых,
В лаґовых половичках,
В ґатьох баршуньовых.
Прикупив бим анцуґ ипный,
Й машличок челленый,
Обы віділи далеко,
Йде лиґінь печеный.
Айбо аж ни буде буря,
Туй вам кажу строго...
Куй ни куплю субі цуря,
Та баґов из того!
© Автор: Иван Бинячовский
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: ИВАН БИНЯЧОВСЬКЫЙ в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
