На заводях старої Тисы,
У крайи там де дві рікы,
Де ґрунь Карпатськых грозні рисы,
Ундіны водятся вікы.
На заводь ночов ни ногов,
Ни буде спасу знай,
Коли пристанут за тобов,
Што духу утікай.
Їх там є повно и ни повно,
Сова за плайом дись кричит,
Глядают путника шіковно,
Ги бы їх штось сюды манит.
Дарабу Тисов гнав куражный,
Старый горбатый бокораш,
Натрафив было на йсе дійство,
На босорканьськый на шабаш.
И чудеса й ни чудеса,
Лиш острі косы и плеса,
Там свою купиль принимают,
Ниповторимі голоса
У їхнюй власти берегы,
И вшыткі што туй бродят,
Они в сюв заводи годы,
На чилядь страх наводят.
© Автор: Иван Бинячовский
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: ИВАН БИНЯЧОВСЬКЫЙ в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
