Александер Духнович
Духнович фурт казав, што ун - Русин.
А пиля нього сестры й братя, а ун сын.
И што довік ун не забуде свого роду,
А я, як ун, донька сього народу.
Я так, ги вун, из молоком сесю бесіду ссала,
Коли малов ня мамка колысала.
И перші ми слова были русинські,
И серцю рудні няньковы й материньскі.
По світу тоже иппно ня носило,
А бесіда русиньска была моцнов силов.
Про йсе Будитель чесно написав,
Што рудный свуй язык не забывав.
Я, ги Будитель, не ганьблю ся говорити
Тым языком, што серцю рудный, фурт творити.
И учу дітий свойих честовати
Вту бесіду, што з молоком дала їм мати.
Я є русинка й донька свого роду.
Честую руд русинськый, пью карпатську воду.
А докедь ми живот даст Бог, я говорити буду
И свою рудну бесіду я не забуду!
Матеріалы веба были вшорині спеціално пуд 220. ручницю карпатського будителя Александра Духновича.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ Татьяна Рацин, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
