ПЕРВЫЙ ДИНЬ У ШКŌЛЇ
Первоє септембра. Зачаток нового учебного рōку. Єдны ученикы ступлят до школы, ги выпускникы, котрым лишит ся учити лиш сись пōслїдньый рӯк. Другым, май малинькым, навборот - искладут у тōрбу зошиты, обложкы, черускы, книжкы, и у первый раз пӯдут до школы. Дакōтрі первокласникы раді, ож идут до школы, будут ся учити читати тай писати, но поєдны ньет. Не набавили ся ищи, не уставали бы так рано, но тай журят ся, як тото всьо буде.
Дїлы другых дїти, кончили ся канїкулы. Мусай выдвыкати выд бавліня, ай паровати тōрбу и вкладовати ся спати май скоро. Непривычно буде и даже тяжко уставати рано тай ити до школы, айбо учити ся мусай.
Айбо днишньый час тото єдно, а минувшина - инше. Много уже старōй чиляди выдыйшло на тот Світ, котра бы розказали, як ōни ся вчили у свōї дїтōчі рокы. Завто гōднїь сьте прочитати публікацію из часопису "Най родный край (1925), за ученика, котрый по канїкулах иде до школы.
ТЕКСТ ПОДАЄ СЯ В ОРИҐІНАЛЇ
Першій день у школѣ.
Сегодня першій день у школѣ. Минули, як сон, гѣ два мѣсяць лѣтнього одпочинку. Сегодня рано мамка одвели мене в городску школу. Я ще все думав про село и йшов нехотя.
Скрѣзь улицами ишли школярь. В двох книгарнях повно было батьков та матерей ь куповали книжки, зошиты. Перед школою зобралося только народу, що сторож з полиціянтому держували людей, щобы не заступали дверь.
Бѣля дверей я почув, що ктось торкнув мене в плече. То быв мой тогорочный учитель, з другов класы, все веселый. Он казав мень: ,,Так, отсе мы розсталися з тобою, Енрико, навѣки." Се и я сам знав, а од его слов стало мені ще сумнѣйше.
Насилу ввойшли в школу. Пань, паны, роботницкѣ жонки, роботники, старѣ бабусь, служницѣ - кожде одною рукою держало за руку свого хлопця, в другой руцѣ у кождого былот посвѣдченя. Людей повно было и в комнатѣ и на сходниках, быв такій гомон, як втеатрь.
Учительки ходили сюды и туды серед натовпу. Моя учителька из першов класы кивнула мень головою, стоячи на порозь своеѣ класы и казала: ,,Енрико, сего року ты будеш на другом поверсь, не побачу
тебе, навѣть коли проходиш". Та и подивилася на мене смутно.
На нижньому поверсѣ вже подѣлили дѣтей, кого куды. Там были такь хлопчики, що не хотѣли заходити в класу и опиналися, як ослята. Треба было их тягнути силомоць. Иншь, бачучи, що их нянько, ци мати йдуть додому, починали плакати и тѣ мусѣли вертатися, щобы их розважити, або забрати додому. Учительки аж за голову бралися, не можучи дати собь рады з тыми дѣтьми.
У десять годин мы всѣ были вже в клась. Якою тьсною та сумною здалася мень школа, як я згадав про лѣсы та горы, серед яких прожив лѣто. Ще згадав я про свого тогорочного учителя з другоѣ класы: он такй добрый быв и все смьявся из нами, и такій маленькiй быв, що здавався нашим товаришем и мень было жалко, що я его вже не буду
видѣти з его рудым, розкудланым волосем.
Наш новый учитель высокій, без бороды, з довгим, сивим волосем. Голос он мас товстый, на всѣх нас дивиться на кождого, мов у душу зазирае, он нѣколи не смѣеться. Я подумав: Се першій день. А ще десять місяців. Сколько ще треба учитися, працювати.
И так мень схотѣлося, щоб на выходѣ бѣля школы стрѣчала мене мамка. Она поправдѣ была там, и я кинувся поцѣловати ѣй руку. Она казала менѣ:
,,Не бойся, Енрико, будеме учитися в двох". И я вернувся додому веселый. Але нема вже моего тогорочного учителя з его добрым и веселым
усмѣхом и через то школа не здаеться менѣ такою гарною, як по переду.
Автор: Мигаль Чикивдя 2023г. (Е. ДЕ АМИЧИС) - 1925.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
