РАННЯ ŌСІНЬ
Пōзіват рано, студіньов збыхнуло,
Закашлало, ги дідо з циґаром.
Усе чим дале, змученоє ступат,
Иде из віхром пōльом, пак двором.
Уже май стытко, сирӯткы пō ньому,
Но рання ōсінь тоже вже не спит,
Ищи з тепла укрыє го веретōв,
Пак йде хащами, листячко фарбит.
Садками йде, та нарве мало яблок,
Пōкушат груші, красноє вино.
З вершка юй видко, у таланті люде,
Раз в горазді, у динь не студино.
А над село усе ся прōсят хмары,
Убступлят сонце, пак даколи ревут,
А сонце, сиґінь, кобы выдбыло зміну,
Уже му доста, лише му нервы рвут.
Лиш місяць нич, помалы ся избере,
Пожене небом отару звіздочок.
Издōлюв тихо, потихы вітер шепче,
Колыше листя, ги жоны діточок.
А пак зась рано, заспаноє сōнце,
Теплинька ōсінь крутит ся селом.
Ищи бы юй ся доста веселити,
Лиш закі з студіньов не вдарит ся чолом...
Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
