ЖИВНЫЙ ЧИТВИРЬ
Выд днись ся зачинаєме паровати до май великого християнського сята - Христового Воскресенїя. Сього дне ґаздує ся, харит ся на опшарю, бо завтра Страсна пятниця, кōй ни мож уже нич робити. Ґаздынї мавут вшидко у хыжи похарити тай повымывати.
А ищи сись читвирь кличе ся даґде "Чистым", бо по нарōднōму вірованю, вода днись є цїлюща, та рано ся треба помыти. Сього дне, Ісус Христос мыв ногы апостолам.
Живный читвирь є дньом, коли ворожка має май велику силу. Давно, сього дне, ґазды свинї хорошали, бо вірило ся, ож днись різана рана скоро ся загоит.
Давно чилядь казала, ож днись гыды зачинавут вылізати. Тай исе є єден динь у рōцї, кōй ящӯр (саламандра) рознимат рот и годен укусити.
У дакотрых реґіонах Подкарпатя, увичирі палят ся ōгнї, но ни такі великі, ги на Страсну субōту. На днешный час, традицїю палити Великōднї огнї всокотили, но мало де палят и у читвирь.
Днись зачинали печи паскы, айбо мож и у субōту. Туй тко як хоче. Давно, кидь у єднӯй хыжи были 2. родины,та мусай ся ім было дїлити, тко буде печи у читвирь, а тко спече у субōту. Давно зачинали уже красити яйця, айбо рідко де.
Автор: М.Чикивдя Матеріал за 2021 г.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
