ПŌДКАРПАТСЬКА ŌСЇНЬ
Ōсїнь яблыками пахне,
Сочным, у двӯрци, вином.
Кӯлько красоты увижу,
Коли прӯйду ся селом.
Йōвноткы в стїну ся вперли,
Червинїют ся, ги грань.
Туй дичкы, а там ōріхы,
Выд зимлї нам щедра дань.
Ōсїнь студїньов напудит,
Пак приласкат теплōтōв.
Закі слякōть не приходит,
Кличеме ї зōлōтōв.
Вже у хащу чилядь ходит,
Носит з грибами торбы.
Ткōсь по пōлю талантує,
Кобы сяк тай без біды.
Там из пōля курмелює,
Туй шумит, гудит село.
А мракы ся вже уперли
Полонинї у чоло.
Пофарбит ся скоро листя,
Пак упаде й на паллак.
А типирь теплинька ōсїнь,
Любит каждый ї руснак.
Автор: М.Чикивдя 2023 г.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
