ŌСЇНЬ У РУСИНСЬКУЙ ПОЕЗІЇ Ōсїнь фурт ся раховала єднōв из майпоетичных пор (рōку) у літературнōму світї, и русинські літераторы тото гōднї пӯдтвердити. У творах нашых писателюв, ōсїнь указує ся як період думаня, и коли природа й душа чилядня єднать ся Русинськый поет Сергій Тудовші писав за тото, ож так и не годен полюбити ōсїнь позад того, ож не буде уже тӯлько тепла, а прийде сырōсть, слякōть, студїнь, што ги бы характиризовало стан душі чōлōвіка. Бо и правда, у мнōгі, тко видят смутну ōсїнню пōгōду мают смуток на душі. Вшитко, што є на двōрі, передає ся и на чилядь, має сильный вплыв. Василь Попик, Мигаль Чикивдя, Мигаль Стан у поезії указуют ōсїнь из ґаздӯвського бōку - зачатку и кӯнця збираня урожаю, парованя до зимы. Ачий каждый карпаторусинськый поет є из простого народа, тōму не на словах знає ся вшитка ōсїння робота. Много из поетӯв, приміром, Иван Бинячōвськый, пише за ōсїнньый час, як за чеканый руснаками період тихōй вадаскы. Мало тко так годен описати красу природы сього золотого часу тай процес тихōй вадаскы - любимого дїла ачий вшиткых русинӯв. Ōсїнь у творах русинськых літератōрӯв симвōлізує перехōдну фазу у живōтї, коли ся лїто кӯнчат, а зима ищи ся не зачала. Кидь прочитати тематичнї стихы Чухрана, Пищальника, Лесі Адамōвōй, Бинячōвського, Рошка, стає ясно, ож ися пора дає поетам возмōжнōсть пōдумати за живот тай час. Ōни хōснуют ōсїнь, ги метафōру свого думаня тай чуств и вєдно из тым описуют красōту пōдкарпатськōй осени. Мож зробити высновок, ож ōсїнь у творах русинськых літераторӯв є не лише указованьом природы, ай и реального живота из каждоденными ōсїнньыми талантами. Кроме сього, ōсїнь є важным символом дїля выраженя глубокого думаня тай чуств, што ллє ся из уднушнього світу поетӯв. Автор: Мигаль Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
