Нам сōнічко бряжчит у очи,
У в березі синіє раст.
И хōть студені у нас ночи,
Айбо у динь уже контраст.
Израна срібло всьо дōсігат,
Тай доста стытко, студино.
А дале сонце запōзіват,
И прōмінь ллє ся, ги вино.
Цінкōвказкы ся нарас вкажут,
А з ними й білі козинкы.
Вже даґде ся брунькы наяжут,
Но дись у снігу ялинкы.
Ріка шумит, ги на базарі,
Давно уже понесла лід.
Хōть сонце пряче ся у хмарі,
Його тепло про нас, ги мід.
И най оживат всьо дōвкола,
Цвітут чічкы – природы дар.
И туйкы вже пряма дорога –
Поцоркат в вōзӯр завтра яр.
Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
