На двōрі ся сніг не спират,
У пōкрōвцю всьо село,
Ниськы чилядь ся избират,
Стріне вєдно торжество.
Талантованя в нас доста:
Спік якраз ся керечун,
Запах чути му до моста,
Нашых сяток вӯн віщун.
Закі поранок, йдут діти,
По путьови їм сліды,
Не знавт жōны де ся діти,
Стӯл не лишат без їды.
Рыбы, бобальок, узвару -
Вшиткого дванадціть страв.
Грань у шпōрі дає жару,
Вітер хмары гет забрав.
Й нараз ся звізда вказала,
Що спōвіщат торжество,
По нюй чилядь ся дӯзнала:
На пōрōзі Рождество!
Плыне радӯсть з Віфлеєма,
В кажду хыжу, цілый край.
Не богатства, не Едема,
До лиш миру, Боже, дай!
До лиш миру й благодати,
Жити й быти на земли,
Рождество Ти прōславляти,
За Тōбōв нам вшиткым йти.
М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
