Хліб испеченый, домашньый - Изїме го фурт у смак. Вӯн майлїпшый, ги бōвтаськый, Знає за исе й дїтвак. Раз изробит ся причина, Шустро кісто си росте, По тепшах го розмитати, Та най хлїбиць ся пече. А кидь кісто ся упстане, Мож до хліба и булок, Ōни з молоком паруют, Кидь не є, налляти сок. Аромат си гулят хыжōв, Хліб печеный на стōлі. Ба ци даґде є май ліпшый, Ги сись, спеченый у селі? Тонка кӯрка, а мнякушка, И выд ваты май мнягка. Як у смак нам пӯде скыбка, Треба лекварь й молока. З левишом, бульми - ушиткым, Хліба треба, инак як? И кидь пік в печи ся, дома, Та изїсть ся май у смак. Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
