Застудило, задожджило, Слякōть, мрачно, студино. Лиш бы гріти ся у хыжи, Йти в пӯвницю на вино. Но раз треба у дрыварню, Принисти до хыжі дрōв. Тріскотит дрыво у шпōрі, Добре є тай будь здōрōв. Но тото руснак не буде, Не ґазда, а просто нуль. Тко на таблы не наріже Испичи на фрыштик буль. Так, ги циганин, що грів ся, Вєдно й солонину пік. Так и мы наладиме ся, Кобы йсе нитко не врік. Бо якраз сезон ся зачав, Не з книжок сяка їда. А кидь світла пак не буде, Тото нич, вто не біда. Кобы йсе нас не лишало, Красна страва на стōлї! 'Д тōму сыра й солонины, Й кобы дащо в погарі! Исе вшитко по прōстōму, Но завто богатый смак. Най нам Бӯг дарує радӯсть, Днись, и завтра, и май пак! Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
