ПОДКАРПАТСЬКА ОСІНЬ Ид Карпатам осінь вже йде золота, Йuв ся в'доперавуть горы-ворота. Тарканистый пoтuк - златогривый кuнь, Кочіш го подганять - вігерець-легінь. Діти йдуть до школы - їм звонок брынить, Пуд ногами листя море шелестить. Май студена стала ранішня роса, Тоншов ся вчинила у вербы коса. Удлітавуть бузькы - вернуться веснов, Чорно-білу пісню лишать за собов. Спати ляже ехо в рубани старуй, Скрутиться пуд корчом - ты го не вартуй. Ловгош тягнуть грезна, пахнуть, аж п'янить, И сливлянка свіжа в блюдо цибинить. Подкарпатські керты - яблыка, грушкы, Повні нима відра, гатікошаркы. Добра осінь-мати - челядь робuтна, Свойими руками чинить си хосна. Было так од віку на мойuв земли, Хочеш спати файно - з осени стели! Автор: Роман Пищальник
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/, Роман Пищальник, в иных случаях будем обращаться в соответствующие инстанции (админам соц.сетей, и Суд).
