Русинский поэт М.  Чикивдя о проблемах с солью «Ни є соле по бōвтах, што бы нам робити? Чим ґаздынї будут ле́виш…»

Русинский поэт М. Чикивдя о проблемах с солью «Ни є соле по бōвтах, што бы нам робити? Чим ґаздынї будут ле́виш…»

НАША СӮЛЬ

Ни є соле по бōвтах,
Што бы нам робити?
Чим ґаздынї будут ле́виш
Тай и́нше солити?

В Доробрáтово ити:
Ро́пляникы знавут,
Де бы тōй ропы́ намыти,
Видав, дома мавут.

Тко бы нам тото пувів,
Бо вже сердце коле,
Кōй ґаздыня си пōдумат,
Ож ни купит соле.

У Солōтвинї, коли сь,
Было єї доста,
Айбо вшитко розокрали - 
Най їх йзїсть короста!

Солерудник быв великый,
Много там копали,
А пак штрекōв, у Єврōпу,
Сӯль вту доставляли.

Фурт ходили там руснакы
Тай ропы си мыли.
Лиш за промысел тот давный
Были сьме забыли.

Солеварнї ни фунґувут,
А типирь їх треба.
Най бы в голос загучали
Й до самого неба!

Солеварный рӯдный край,
Мусай розродити,
Убы єчим пак в гордо́вах
Капусту солити!

Автор: М.Чикивдя  25.05.2022 год

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.

Добавить комментарий

Иконка левого меню