ЦИГАНЕ-ВАНДРУВНИКЫ Были цигане у нас, Всяды вандровали, На єднōму містї, дōвго, Вни ся ни лишали. Циганӯв-вандрӯвникӯв, Давно ся ни впстало. Вже при чехах їх у нас, Было дуже мало. При Мадярщинї ищи, По селах ходили Всякі туборы-товары, На плечох носили. Прийдут близько ид селу Сядут пиля тирню. Там ся скоро розокладут, Та чинят майстирню. Клали шатры при путьови, Огне си палили, Дзвоны, гвӯздя, свердликы, Й всьо инше чинили. Тото люди, но а жоны, Йшли, та ворожили, Тай на продаж кошары З ложками носили. Як ся пустят у село, Выпросят си й масти. Пораз гуску, вадь кури, Гōднї были вкрасти. Сяк ходили сюды-туды, Доста вандровали, А пак дись ся поселили Тай вандры пропали. Автор: М.Чикивдя Закарпатье 5 июля 2022 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
