Ба што ōсїнь нам несе́? Фрішнōту́ й грибо́чкы? Павутинку по двора́х, Й золоті листочкы? Може слякōть цїлый динь, Зливы тай боло́та. Ищи мало й по пoлях Кӯнчит ся робота. Уже буде, так ги буде, Нам ни выбирати. Каждый буде до зимы Хыжу парова́ти. Но спиршу́ лише єдно́ - З пōля ся забрати. У рōбōтї нам нїко́ли Горы роззирати. Ни увидиме, ож хаща, В золоті й фарбле́на. Яка ōсїньов в Карпах Красота вчинена. Завто ōсїнь ся насе́рдит, Вітром всьо изду́є. Тай заже́не нам морозы Най руснак бідує! Айбо де нам бідовати? За всьо слава Бōгу! Ож снаряды ни летят У двори́ць, 'д пōрōгу. А морозы тай зима - Всьо ся перебу́де, За русинӯв Бӯг Сятый, Вірю, ни забуде. Автор: М.Чикивдя 30.08.2022 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
