Русинский поэт Михаил Чухран «Прощайте, курті ногавиці, сорочка з куртим рукавом, бо чорні, грубі, ги копиці…»

Русинский поэт Михаил Чухран «Прощайте, курті ногавиці, сорочка з куртим рукавом, бо чорні, грубі, ги копиці…»

Глінтвейн

Прощайте, курті ногавиці,
Сорочка з куртим рукавом,
Бо чорні, грубі, ги копиці,
Повисли хмары над селом.

И співат пісню невеселу
Студений вітер у дровтах;
Уд рана глядаю амбрелу,
Давно-м не мав її в руках.

Уд Великóдня было сухо,
Типирь надовго задощит
И нáзад заболит ня ухо,
И в гості прийде гайморит.

Но по хворобах я ударю,
Бо є в ня в пивници вино!
Його из цукром я запарю
И сяду кукати в окно,

Як листя гет летит уд вітру,
Як мокне пуд дощом трава…
Вина є в бочці двіста літру –
Ачий ми дуйде до Руздва?

И по артеріях и венах
Майскоро кров ся розжене;
Хосен великий уд глінтвейна –
Спасе уд студени мене!

Автор: Мигаль Чухран

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  Михаїл Чухран в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Добавить комментарий

Иконка левого меню