Укры́ла нас нӯч, ги чорна вере́та, Пӯд нив нам ни видко ся нич. В камін ся намече колота трепе́та, А світла ни є, хōть го клич. Огне бы накласти тай свічку палити, Без світла не дальна нам путь. Ги телефон бы си литрик носити, Як было до а́дде - забудь! Єднї ся зажурят - як ка́меры бу́дут? Розмерзнут ся вшиткі мняса́. Як без фейсбука другі прōбудут? Паде нам, ги студїнь на пса. Думат си чилядь, ци хуже не стане, Ба ци дальше пропаде и ґаз? Датко из ми́риґӯв приступ дӯстане Но з нервӯв ни пӯдеш в корґаз. Лиш си на шпōрі пак їсти варити, Помалы й назад в давнину́. Дрōв си тонкых до хыж наносити, Вмісто "цезаря" їж токану. Но буде як буде, куды ся дївати, Сяк стало ся нынї у нас. А што буде туйкы, што дале чикати, На всьо нам ōтвітит лиш час. Автор: М. Чикивдя 18 ноября 2022 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
