Тепла ярь посеред зимы, Аномально так, ги фурт. Всьо ся в нас перимішало, Дождик й сонце в єден гурт. Дись сады ся рōзпущавут, Хочеш, найдеш й первоцвіт. Снїг хыба по полонинах, Инакый стає сись світ. Де ся дїли тоты зимы, Што застав и я давно? А тоты, што чилядь каже? Инчак нам типирь дано. Были сяткы у дожджови, Теплота ни йде ниґде. Йсе погано є про зимлю, Де зима ся дїла, де? Може, сяк нам и май ліпше, Без мōрōзу, в теплōтї. Айбо студїнь точно прийде Из снїгами у глōтї. Земли треба выддыхнути, Пӯд покрывцьом снїговым. Пріскїпам тай паллаґови, Тоже треба, ги живым. Но природа усьо вертат, Проти ниї мы нитко. Кōй ся сяк усьо колотит, Знаєме, ож виден тко. Зима тепла, ярь студена, Ни дай Боже, в лїтї суш, Пак ниякого врожаю, Мало яблок буде й груш. Треба буде привыкати До новых ґлобальных змін, Инчак буде дуже тяжко, Ни устанеме з кōлін. Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
