СЯТЫЙ ВИЧŪР
Поте́мок пō двōру наста́не,
Засвітит на небі звізда́,
Тоды в нас вичиря ся зачне:
Керечу́н и пӯсна лиш їда.
Пӯсна и нитко ся ни порзнит,
Воістину вичӯр сятый,
Бо в колядках каждый учує -
Ісусик ся родит малый!
За по́ранок як ми забыти?
До дне запалят ся світла́,
Хлопцї идут на опшаря,
Пōклōнят ся, вшиткым хвала.
Жона керечун пак испе́че,
Наладит на вичирю тых страв.
И ґазда ни сидїв без роботы,
Тай худōбу у смак годовав.
Сытно, убы пак вела ся,
Убы были лише горазды́.
Туй помалы й вичиря ся зачне,
Зачне ся з молитвы ґазды́.
А пак дале краснї колядкы,
По улицях много дїти,
Бо Сына Божого имня,
Прославяти їм треба іти.
Автор: М.Чикивдя 06 января 2022 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
