Русинский поэт и писатель М. Чикивдя о диких кабанах «Ба ци хōдят хащōв дикуны? Видит ми ся, ож є їх доста. Хōдят си, глядавут їдіня…»

Русинский поэт и писатель М. Чикивдя о диких кабанах «Ба ци хōдят хащōв дикуны? Видит ми ся, ож є їх доста. Хōдят си, глядавут їдіня…»

ДИКУНЫ

    Ба ци хōдят хащōв дикуны? Видит ми ся, ож є їх доста. Хōдят си, глядавут їдіня, уже май застудило, та ни пōпріли. Гōвōрят, ож по гранках, де были кӯсницї, читаво порыли. Айбо де? Тото ни знаву. Сього рōку у земли білі червакы, за ними, видав, усьый паллаґ поперевертавут. Тай ищи си дашто найдут, кобы было. Сього рōку страшна суш, та біда й звірцї, не лиш чилядню.

   Ей кидь бы на них натрапив, што бы тоды было? Давно ня усе пужали, коли'м сьме были на кӯсници:" Ни иди далеко, бо там дикуны хōдят". Та усе'м си думав: " А кидь на них натраплю? Та, видав, шуга ни втїкну!"

   Кӯлько тямлю, та по хащи, по кӯсницях усе рыли. Дакотрого рōку май мало, дакотрого май много. Тото звірка, їла бы та мусит рыти. Кōй ся заженут групами та ни бӯйся - вмоминті усьо попыскавут, поперевертавут. Типирь тото нич, най рывут доста, айбо давно была біда. Косило ся усяды, а ōни пӯдут, де чилядь косит, та усьо поперевертавут. Та пак треба спіцяльно ити паллаґ налажовати, намісто го складовати.

   Раз было так, ож усю Лысу были периорали. Бог знай кӯлько їх было. Но паллаґ за сōбōв усяды лишали перевернутый. Сяк и на нашӯй кӯсници - поорали доста. Пофризовав бы, та мож бы было садити. Тямлю, тото была ярь, та ишли сьме пак пӯдчищати, поправляти за ораньом. Лиш паллаґ стырчав дуба тай позирала гола земля, на кōтрӯй ся полишали грубі слїды дикунӯв. Усе'м ся убзирав, та думав, ож може ся зараз даґде туй вкажут.

   А пак якōсь были сьме всьым класом на екскурсїї у Мукачові. Выдты пӯшли сьме у парк, де было читаво дикунӯв. Усякых! Великі там бігали тай малі межи ними. Выдты у ня є и образчик, айбо ни годен'им типирь го найти. Тямлю, тоды'м дōвго позирав на дикунӯв тай думав: " Ейбо исї свинї бирувут паллаґ порыти!"

Автор: М.Чикивдя 14 сентября 2022 год

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.

Добавить комментарий

Иконка левого меню