Ачий у каждōму пōдкарпатськōму поселеню є якась чудна, скапчана из переказами и леґендами природна памнятка. Годна тота памнятка быти жива, приміром, староє дерево, котроє уже Бог знає кӯлько росте. Но легко годна быти и якась пещера, зворина, кырниця, плита ци щось инше. Та най тото буде авадь малинькоє село, авадь город, усяды ся находит природна памнятка за кōтру говорит чилядь.
Фото. Скала у Веряца Закарпатская область. Русинский Мир.
Тота памнятка природы може быти знана через свӯй необычный вид, якісь свōйства, ци што сь другоє, што не характерно другым подобным обєктам. Дуже часто природный обєкт годен стати знаный не лише через свӯй особый вид, ай через пōдії, кōтрі ся стали пиля нього. Часто історичну правду скапчану из природнōв памняткōв дӯзнати ся не мож, бо не є первожерела. Завто фольклор за сякі обєкты годен розказати читаво. Роками передают ся переказы, леґенды за сякі осōбі прирōднї міста, што й повышат їх ціннōсть.
Адде’м натрапив на нарис “Стародавный памятник из липы”, опублікованый у часописі “Наш родный край” у 1923 рōцї. У сьому уже 100 рӯчнōму нарисі розказує ся за старый памнятник из липы, пиля скалы, у селї Веряца.
За переказом, памнятник Дівы Марії из липы поклали бокораші, бо Тиса там была дуже быстра й не єдноє чилядня пиля скалы вода згубила. Люди вірили, ож тото поможе успокойити Тису и людські животы не будут ся губити на тōму містї. Так ся пак и стало. Тиса пōміняла русло й смертий пиля памнятника уже ни было. Типирь на тōму місті є печера, котра через нарōднї переказы знана у реґіōнї. Сам очерк гōднї сьте прочитати и Вы.
ТЕКСТ ПОДАЄ СЯ В ОРИҐІНАЛЇ
СТАРОДАВНЫЙ ПАМЯТНИК ИЗ ЛИПЫ
При подножаю Карпатов, близь Киральгавы, на ровном мѣсть лежить село Веряца. Хутарь Веряцкій лежить коло Тисы, а на север од села начинаються поднимати лагоднѣ грунки, на хребтѣ котрых возовь пути ведуть в большѣ и все высшѣ лѣсы.
Понад мертвою Тисою, где даколи давно швидко текла Тиса, стромко тягнеся скала „Зарва“. Eѣ малым звориком перерывае поток, котрый вытькае из студить называнов,,Марія Терезія”. Тым звориком узка дорога веде на остров „Подкоп“, где плодородна земля много тенгериць родить.
Из того острова добре видно цѣлое пространство скалы. На серединь скалы од земль на 6 метров высоко стоить одна бѣла статува, вытесана якбы из бѣлого мармора.
Вылѣзеш до того памятника и увидиш, что оно е из липы. Памятник изображає жону, ги бы лежала на подушцѣ, одну руку держучи под головов.
Не е такого старого чоловѣка в селѣ, котрый бы точно описав исторію того памятника. Однь кажуть, что то Мария Терезія, а другь оповѣдають ось что: Даколи давно под тою скалою текла Тиса. Быстра вода не раз вергла бокорами ид скалѣ, где не один бокораш утратив живот свой.
Фото. Русинские Бокораши сплав леса по реке Тиса. Русинский Мир
Бокорашѣ одкуда одкуда нѣт привезли липову статую Дѣвы Марть и положили в гавру твердо вѣруючи, что Тиса мирнѣйше буде течи и не буде только жертв жадати од невинных бокорашов. Послѣ поставленя того памятника Тиса необавки поправдѣ лишила свое русло и начала другою стороною течи, куда спокойно ити могли бокорашѣ в солею натерхаными бокорами. Од того часу на то мѣсто на одпусты ходив народ.
Часы помалы минали. Из липы роблена Пр. Дѣва Марія там стоить на дожди, снѣгу, вѣтру, но зато она не гние, не порохновіе. Давно много подписов было на памятнику, но раз один жельзнодорожник замальовав бѣлою фарбою и счезли надѣѣ не то, чтобы можно из тых имен даякѣ поясненя выбрати. Соколам, скавтам, туристам и любителям природы варта там пойти, поникати сей памятник и чудесно красное мѣсто. Подав: А. ПОЛЯНСКІЙ. 1923 год.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
