ЕТНОПСИХОЛОГІЯ НАРУБЫ / світлій пам’яті гуру русинської поезії Закарпаття…
ВЛАСТЬ Якби дустав я мало власти, То всьо змінив би'м на землі. Лиши́лися б цигани красти, Лиши́ли б пити москалі. Бика не мучив би іспанець, А здав на мнясокомбінат, Забув про мафію йтальянець, Француз — забув би про розврат. Естонці би дустали крила, В’єтнамці — мало пудросли, Корейці очі би розкрили, А чукчі — в інститут пушли. Араб — любив би солонину, Юдак би — не шпекуловав, Забув би німець дисципліну, Згадав за неї югослав. Май мало чехи б пиво пили, Помив би з милом ся монгол, І накінець би ся навчили Мадяри грати у футбол! Американці позад нафти Не починали би войну, І русини, як аргонавти, Не йшли за щастям в чужину. І українець би на части Державу дерти перестав! На жаль, не маю тілько власти! А правда, добре, кіть би'м мав? Автор: Михайло ЧУХРАН (23.11.1954 - 13.07.2023)
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ Михаил Чухран, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
