Русинский поэт И. Петровций «Русинам не писані законы, лем тому, бо вни ни є народ. Русины – вто колоритный зброд…»

Русинский поэт И. Петровций «Русинам не писані законы, лем тому, бо вни ни є народ. Русины – вто колоритный зброд…»

СПÜВАНКА ЗА ВТО, ОШ РУСИНАМ НЕ ПИСАНІ ЗАКОНЫ

Русинам не писані законы
Лем тому, бо вни ни є народ.
Русины – вто колоритный зброд,
Што ни в чüм си помочи ни годный.

Русины – вто низаконна чилядь
На земли украйинськüв живе,
Хлїб з мукы украйинської жве,
Што млины украйинські ї мелють.

Русины – вто никултурні люде:
Уткüть йим културу узяти,
Кить ї вкрайинце ни хочуть йим дати,
Но, а свої ни было й ни буде…

Русины – вто галицькі рабы,
Што самі ни на што ниваловшны –
Галичанам штось навхтема довжны,
Мытарї сирüцької судьбы…

Русины – вто вкрайинські рабы:
З Кыйова поміщикы приходять
Й русинами строго руководять –
Русин на началництво слабый…

Лем земля русинська была, є
Й впстанеся украйинцям чужа,
Бо землї русинської душа
Вкрайинцьoви хлїба ни дає.

Горді наші рікы ни течуть
На восток – мерзка йим Украйина:
Наші рікы до Європы плынуть –
Русинам указувучи путь!

Золоті русинські небеса
Вд собі украйинцüв не приймавуть –
Золота русинськых душ жадавуть,
Лем русинська в них живе краса!

Русине! Дїтино низаконна,
Раз тобі ни писаный закон,
Ужени домü вкрайинця – вон! –
И буде душа твоя свободна:

И свободні будуть небеса,
И земля русинська вслободиться,
И у серци в тебе заискриться
Людськости свободної краса!

Автор: Иван Петровций Ужгород 

Вместе с вами мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать гиперактивную ссылку на источник https://rusinskiimir.ru/  и автора Иван Петровций, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Left Menu Icon