ВОРОНА ТАЙ ЛИСИЦЯ
Же лêсть и чкóдить; и она мêрьзськá -
За йсе й прикáзовати нíшто.
И хōть накáзуй - а улéсный фрац,
У сêрдцю другых фурт си нáйде мìсто.
•••••••
Вōрōнї áдде Бог,
загнáв дарабчик сыру.
Вбы фрыштик сись,
онá сōбí ізіла,
У дзьōвб ухóпила го чōря
тай на смêреку сíла.
Айбо забыла ся даштóсь.
Сидить из сыром в пыску.
Такóй ги нáроком, пуд стромом
бігла єдна Лишка.
Пахнячый, добрый сыр
лисицю "учмилив".
Вта видить сыр
и тот ї злáкомив.
И в єдну міру
на Ворону никать Лишка.
В клiп óка, хытра звiрька
учинила ся ги мышка.
Ид деревови
мнякко пудыйшла
И каже чōрї:
"Вижу, фáйна в тя душа;
И шийка дōвга; и парáдной личко;
И рýно дéржиш плéчикы, сêстричко.
Єднá вто рáдÿсть на тя позирáти.
Такá ги ты, валóвшна бíстош
и краснó спÿвати.
Бо кідь вто так -
ты вже-к ни прóста птиця.
Цїлá бы хáща за тя упōвíла:
"Пак, исé - Цариця!"
Ворона дýмать:
"Мóже и попрáвдї ? Чом бы нїт?!"
И удопéрла пысок
вбы вокалом звêселити свiт....
Айбо з гиртáнкы уйшло...
обычâйной, хриплой: "Кар!"
А сыр тот?...
Фыркнув юв из дзьōвба божый дар....
Завтó, варуй
кōй каже ты дакó лêсні словá,
Бо обчалýє тя...
а пак, за жíваном ни вбстáне и слідá.
Потовмачив: Петьо Береш
3.марца 2024 рока
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Питьо Береш в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
