ГАЗДА Клепле зрана газда косу, Клепачом по бабці. Буде роса на покосі - Буде сіно в тачці. Сонце встало вже высоко, Тай росу спалило. Та ни йду вже на толоку, Днись не буде діла. Ай почищу з пуд худобы, Пак тычкы заострю, Буду тычити пасулю, Прополю заросля. На полудинок в пювници, Палинкы натягну. Поміняву нагавиці, Лепаві на файні. З сватом сядеме пуд стріхов, За столом в тіньочку. Моя голубців зварила, Та щи штось в горшочку. Трічкы з сватом цоркемеся, Пуд файну закуску. Нам пювлітры палинкы, Як воды на гуску. Треба бы ми пополудню, Царок поладили. Може прюйдуся в сільмаг, Гвюздя там купити. Доста діла коло хыжи, Из самого рана. Ай бо всьо не переробиш, Гутта бы го взяла! Повичиряву з жонов, Ляжу скорше спати. Завтра рано із косов, Йду валкы вбаляти. Біла постіль, тихо, нюч, І жона пуд боком. Так помалы газдуєме В селі рюк за роком! Автор: Иван Кушнир 21 марта 2021 год
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/, Иван Кушнир, в иных случаях будем обращаться в соответствующие инстанции (админам соц.сетей, и Суд).
