3 августа – 12 септембра 1993г. Буштино – Полтава. Иван Буштинськый (Иван Гарастей), майор запаса, член Полтавської спілкы літератору.
Я ПРИЙШОВ ИД ВАМ МАМКО Я в катунах тягнув свою лямку, Двадцять першый мині миновав. Телеґрама! И я свою мамку, В руднум Буштині, туй, поховав… Я прийшов ид Вам, мамко, из світа, Тишина коло Вас, як ниґде… Я – ще в агусті куртого літа, Но вже чую: септембер иде. Вы в катуне мене провожали… Як настав нам прощатися час, Мині серце слова розрывали: «Ци ще стрітимся, сынку, хоть раз…?» Мы ся сТрітили: Вы – в деревищі. Тямлю, збіглося ціле село… Темна буря так плеще – онь свище! – Не в потылицю лупит – в чоло… Як Вы, мамочко, туй спочиваєте?.. Я Вас звідаю – Вы мовчите… Я прийшов – ба ци Вы тото знаєте?.. Як на світі на тум жиєте?.. Я слова Ваші фурт споминаю: «Як одслужиш, вертайся сюды, Бо такої, як в рудному краю, Ты нигде ся не напєш воды?.. Бог якого дарує нам віка – Най чилядник такым дорожит. Вже и старша сестричка Маріка, З чулувіком туй тоже лежит, Другый зять Вам чинив йсю оградку… Першым лишився вун суєты… Носят внукы типирь по порядку, На чотыри могилкы цвіты… Тямлю, мамко, як Вы ми казали: «Де бысь, сынку, у світі не быв, - Хоть паны нам його й не признали, Абісь рудный язык не забыв». Кулько жити на світі я буду, Материнськый язык не забуду. И тоты Ваші мудрі слова. Свою азбуку гія бы мати, Ися графіка явно грішит: Не бирує она передати – Як русинськый язык наш звучит. В п'ятдисят и чотыри годочкы – Так Вы рано у зимню лягли… Изо мнов, мамко, туй два сыночкы, Попровідати бабку прийшли. И на серци така ми обіда: Діточок обыймає журба, Што не виділи бабку и діда, Што така їх, саракых, судьба. Мамко…встаньте… кажіт штось… хоть мало… Изваріт ми… мелайный токан… Ріпу смажте… як ранше, бывало… Сын…вернувся з катун…Ваш Иван. Я прийшов ид Вам, мамко, из світа, Супокуйно туй так, як ниґде, Я – ще в августі свойого літа, Но вже чую: септембер иде. Автор: Иван Гарастей (Іван Буштинськый)
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Иван Гарастей (Іван Буштинськый) в иных случаях будем обращаться в соответствующие инстанции (админам соц.сетей, и Суд).Материалы для публикации и фото использованы из открытых источников интернет пространства.
