Русинский поэт Иван Бинячовский, стихотворение “СЯКЕ ЗО МНОВ СТАЄСЯ ПРИЧ”

Русинский поэт Иван Бинячовский, стихотворение “СЯКЕ ЗО МНОВ СТАЄСЯ ПРИЧ”

ЯК СЯ КАЖЕ, ШОРИК ДО ШОРИКА ТАЙ УЙШОВ КОЛИСЬ СЯКЫЙ ГІЙ ПОЇЗД РОЗТЯГНУТЫЙ ФІҐЛЯРСЬКЫЙ СТИХ.

СЯКЕ ЗО МНОВ СТАЄСЯ ПРИЧ.

Псы на дворови поніміли,
Потемок гий у негра там,
Дрыва у шпорови до кліли,
Жоны ниє, я ныні сам.

Пушла си правити кусьтяча,
У санаторій у «Синяк»,
З ґаздувства хряк, й корова кляча,
Пес Дунчі і мацур Нямняк.

На постели гий царь на троні,
Ніко ни тручат ни храпит,
Мобілник ныні муй ни в зоні,
Й будилник ми, ни цорконит.

Гомбаю двісто два каналы,
Дискавері фіскульт прівет,
Рекламы, рубенц, панорамы,
Щусь лопонит старый Альфред.

Ннись тиливізія така,
Укаже ти, що лиш за хочеш,
Айбо ниє вд того хосна,
Бо лиш ся мучиш, онь моркочеш.

Туй флоры – фавуны канал,
Політика каналом «Рада»,
Де череваті баньдюкы,
Волают нам про якусь зраду.

Футбол, гімнастика, хокей,
Рыбалка на усякі масті,
Ґомбай, дивися, всьо окей,
Є і канал про всякі сласті.

Убийства - гонкы - суєта,
Злодійство ненависть страпата,
Про "seksi" нучникам канал,
«Парабола» дає проклята.

Канал четвертый, Боже муй,
Ци вы здуріли на нивою?
Залізли якісь бабы в гнуй,
Вшкіряюся, паду ни встою.

Переключивим май гурі,
Туй голі бігают по хыжи,
Из боку, у плавках жюрі,
На очеридь паруют лыжі.

Имило вд того мнов трясти,
Иди ниборе діду спати,
Йой як бім вер їм там пьястий,
Як мож, в такому ся знимати.

Фурт очи тягнут мися там,
Сарака стогне молодиця,
Хуть бы прикрыла мало срам,
Ни вошколована бісиця.

Из виду вроді ни дурна,
От страха слину ни прумкнути,
Ще мало тай такой біда,
Вд сього кіна, мині ни вснути.

Канчув вина махнув им сходу,
Обы ся рушила ми кров,
В якыхось там, в сто з гаком году,
Но я ще тот, ще будь здоров.

Мині бы бабу — ба-бу-бы !!!
Тучну, цицькату, гузицяту,
Обым ни пулився, обы...
У тиливізію закляту.

Тать я ще дідо ни старый,
Хоть вуробленый им од роду,
Ще бім зорав як молодый,
Оту, не згырену природу.

Сон ми ни йде, до фраса нич,
І ногы ціпнут уд напругы,
Сяке зо мнов, стаєся прич...
Куй з боку ми ниє супругы.
автор: Иван Бинячовськый (Иван Бузаш). Написано наречиєм карпаторусинського языка вирхнього потисся Мараморощины.

Вместе с вами мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора Иван Бинячовский (Иван Бузаш), в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

One thought on “Русинский поэт Иван Бинячовский, стихотворение “СЯКЕ ЗО МНОВ СТАЄСЯ ПРИЧ”

Добавить комментарий

Ваш адрес email не будет опубликован. Обязательные поля помечены *

Иконка левого меню