ШÔВДАРЬ – ТО НЕ ХАМОН Шốвдарь, бра́тте, не хамо́н, Та гі ло́пта, не бало́н. І то, і то ла́ба сви́нська, Айбо́ шốвдарь – то руси́нська. І смаку́вуть не єдна́ко, Бо ладя́ться вни двоя́ко. Хамо́н – ла́ба то іспа́нська, Стра́ва ни́ська сесе́ па́нська. Пи́дік, шôвдарь не хамо́н, Гі кôрốль – то не баро́н. За хамо́н я што пуві́м? Лю́биться вун не усі́м. Сви́нська ла́ба ся посо́лить, Па́ру мі́сяцю так сто́йить. Суль із неї вốду тя́гне, Да́ле з сốнця ся дося́гне І в пивни́ци ся зава́дить. Ко тако́є нись нара́дить? Ла́ба схне і дôзріва́є, Шо́ру свого лем чека́є. Од пув ро́ка вôнь до трьо́х. Став хамо́н, коли пудсо́х. А мікро́бы за сьись ча́с Ладя́ть смак ай пах про на́с. Ву́йде з того сушени́ця, На смак – сыра́ кендири́ця. Па́хне чу́дно на наш ну́с. Кум з Мадрі́да ми доню́с… У Єврốпі ’го хваля́ть, Бо вни шốвдарь не їдя́ть. Не ош їм вун не смаку́є, Там не на́йдеш ’го. Лем ту́ є. Шốвдарь – то т’ти не хамо́н, Бетоно́вый се зако́н. Хôть хамо́н і сви́нська ла́ба, Вун, гі ста́ра суха́ ба́ба, Пе́ла ді́вки-молоді́ці, Што п’є вốду із керні́ці. Шốвдарь наш мно́го смачні́шшый, Ай од тốму здорові́шшый. Шốвдарь спе́ршу ся посо́лить, У рôпі́ да́ле посто́йить. А по тốму ся зачи́нать… Автор: Володимир Рошко
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на автора; Володимир Рошко https://rusinskiimir.ru/ в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
