Русинский поэт Володимир Рошко О Карпатских сёлах «Кра́йом на́шым я ходи́в, ме́жи го́рами блуди́в. Чу́дно се́ла ту ся кли́чуть…»

Русинский поэт Володимир Рошко О Карпатских сёлах «Кра́йом на́шым я ходи́в, ме́жи го́рами блуди́в. Чу́дно се́ла ту ся кли́чуть…»

ЧУДНІ НАШІ СЕЛА

Кра́йом на́шым я ходи́в,
Ме́жи го́рами блуди́в.
Чу́дно се́ла ту ся кли́чуть,
Ка́ждôму у вốчі ме́чуть.

Барані́нці без ове́ць,
Гі без кốжі кляґани́ць.
У Медве́дювцьох я бốв,
Медвідя́ там не найшốв.

У Кома́рувцьох я спа́в,
Крôв із ’ня кома́р не сса́в.
А як бôв у Драчині́,
Не впняло́ дра́чку мені́.

В Пацканьо́ві пацкану́,
Та гі вся́ды грызуну́.
Ярки́ в Я́рку – їх ніє́.
Фра́ца ’му, де а́свальт є́?

Ру́ськово без мацкалю́,
Ба́чево без вувчарю́.
Ґу́та Ґу́ту ту не б’є́,
Че́лядь в здра́вії жыє́.

За́дарь чо́рных я гляда́в,
Не́ґрово ’м перекопа́в.
Либốть в Не́ґрôвіць уті́кли,
Спе́ред ме́не на біці́ґли.

Ніє́ ка́лу в Калнико́ви – 
Село́ лежи́ть на горбко́ви.
Но, а Мо́кра – не багно́,
Мốчарю ніє́ давно́.

Чи́є Ру́ськово село́?
Ту ся ру́ських не найшло́.
Де сери́нча в Серенчу́вцьох,
Кіть она́ тепи́рь в Чôпу́вцьох.

Ло́хово дурны́х не пло́дить,
Та гі в Бі́лках – люди́ ро́дить.
В Ґе́йốвцьох ушы́ткі зна́вуть – 
Леґіні́ діво́к жада́вуть.

Мо́же вы́вуть Вôвкови́ї,
Кіть не даш свини́ помы́ї.
Вốвки ту давно́ пропа́ли,
Та гі Ба́тьовы санда́лы.

Влі́ті Жу́ково біду́є – 
Бумба́к в кру́мпльох уряду́є.
До́ста жу́ку сьих уся́ди,
Без утро́ви не даш ра́ди.

Пушкіно́во в Пудкарпа́тю
Страх честу́є ру́ських бра́тю.
Де до фра́ца, чий пое́т
По село́ви масти́в ме́д.

А Сôфі́я де ся взя́ла?
Ци Рота́ру їм співа́ла.
Вадь з Булґа́ру утіка́ли,
І у Кра́ю ту приста́ли.

Позера́ву, в Волося́нці
До́рос ка́ждый у вуша́нці.
Бурбіля́ до́вго не бы́ло,
Нись обстры́г вшы́тких на мы́ло.

Не раз бôв я в Копину́вцьох,
У Стрига́льнях і Грибу́вцьох.
Тра́фив в Лю́ту і Ужо́к,
У Пузня́кувці, Горбо́к.

Скря́тав в Кốрôпіць і Ґу́ту,
Обыйшốв Копа́ню, Лю́ту.
Заходи́в в Синя́к і Су́ль,
В Ду́лôві нате́р музу́ль.

Хріняшу́ в гора́х гляда́в,
Хрін в Давы́дкôві опста́в.
А Дро́тинці без дрôту́ля,
Зда́вна Сі́рма – не цібу́ля.

Дốвгоє, Шыро́коє,
На́йдеме Глобо́коє.
Лем Восо́кого ніє́,
Хôть і го́ры вся́ды є́.

Автор: Володимир Рошко

Вместе с вами мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора Володимир Рошко, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Добавить комментарий

Иконка левого меню