Русинский поэт Володимир Рошко «Ниська сято, ниська Юря!Неваловшно ныні цуря…»

Русинский поэт Володимир Рошко «Ниська сято, ниська Юря!Неваловшно ныні цуря…»

НИСЬКА ЮРЯ

Ниська сято, ниська Юря!
Неваловшно ныні цуря
Райбати, в грядках робити.
Сято – бы ся веселити.

Служба в церкви, а по нюй,
Дівко, Юрка поцюлюй.
Но а хлопы, обыйміть,
Руку муцно потисніть
Цімборам свойим, Юркам.

Розкажіть їм по сто грам.
Березу йдіть нарубати,
Двур на сято прикрашати.

Вжек по тому ся ладіть,
Юря із водов славіть.
Відро воды із керніці,
Бы квічали молодіці,

Вулліть на них, не сануйте.
Весело, дубрі ся чуйте.
Поливайтеся на Юря.
Мокроє най буде цуря.

Будете вы здоровішші,
І на сятки веселішші.
Ниська сято, ниська Юря.
Знає ще й малоє куря,

Што маржину у сьись день,
Має сятити угень.
Вже ї мош гонити пасти,
Бы у леквар не упасти.

Веселімся, ниська Юря.
Най хоть хвіля, най хоть буря.
Сято се нам дорогоє.
На здоровля, Юрку, твоє.

Автор: Володимир Рошко

Вместе с вами мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора Володимир Рошко, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Добавить комментарий

Иконка левого меню