Русинский поэт Володимир Рошко «И́лія нись. Ни́ська ся́то. В погара́х уже налля́то. Че́лядь И́лія стріча́є, бо вун ốсінь тараґля́є…»

Русинский поэт Володимир Рошко «И́лія нись. Ни́ська ся́то. В погара́х уже налля́то. Че́лядь И́лія стріча́є, бо вун ốсінь тараґля́є…»

НА ИЛІЯ В КРАЮ СЯТО

И́лія нись. Ни́ська ся́то.
В погара́х уже налля́то.
Че́лядь И́лія стріча́є,
Бо вун ốсінь тараґля́є.

Сіся́ па́нія тепи́рь,
Во́стра, гі гурьки́й попе́рь,
Буде́ в Кра́ю ґаздова́ти,
Сту́дінь на нас напуща́ти.

Но, а літо золото́є,
Хôть горя́чоє, сухо́є,
И́лій з кербачо́м скіря́в.
Ра́дость ку́паня закля́в.

Бы нас в вốду не корті́ло,
Ска́рідноє вчини́в ді́ло:
И́лій ся не поганьби́в,
Про́сто в вốду помочи́в.

Не лем ста́рші, а ще й ді́ти
Му́сіли пôрôзумі́ти,
Дру́гий а́вґуст – в вốді си́ч.
Не учи́ниш із сьим ни́ч.

Літо з ку́паньом пушло́,
У Австра́лію зайшло́.
А у нас студе́ні нốчі.
Од плачу́ у діти́ вốчі,

Бо по ку́паньови ни́сь.
Літо дру́гоє не бли́сь.
А у Кра́ю ни́ська ся́то,
В погара́х уже налля́то.

Ся́то се про вшы́тких на́с,
Де́цу бу́лькнеме раз-ра́з.
Ко за літо, із жальо́м,
За сốнічком ай тепло́м.

Дру́гі нись за ốсінь п’ю́ть.
На спрагốті хрест кладу́ть.
Ря́сно бы уро́дило,
Вшы́ткого напло́дило.

На И́лія в Кра́ю ся́то,
Русна́к ба́виться прокля́то.
Ни́ за чим вун не бану́є,
При́йме то, што Бог дару́є.

Автор: Володимир Рошко 02 августа 2022 год

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на автора; Володимир Рошко https://rusinskiimir.ru/  в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Добавить комментарий

Иконка левого меню