ПАМНЯТЬ Наремный жаль, тривога за тобôв У моє серце тяжко так засіли, Кой лишив тя из бетяжнôв душôв, За тебе згадку вуверсти не всилі. И сперед очи такой ми ставуть Село моє из потоком сріберным, Старенька хыжа и низенькый плӱт, Керт, лíсами усе загороженый. Паллаг зеленый, за котрым є сад, Што пестив нас пахучыма плодами, Там йовнотанка много год назад Посажена отцьовыма руками. В тот самый день, коли м ся народив, Муй няньо, гет домак тогды щасливый, Малоє зéрня в землю посадив И укохав го в час немилостивый. Из яблонькôв уєдно мы росли, Она плодить пӱд свіжима вітрами. Лем жизненні путі ся розӱйшли Великі далі вже теперь меж нами. Солодкый спомин гріє туй мене У вароши, у стороні далекӱй, За прошлоє, што в серцю не мине, И што дає святый душевный спокӱй. Автор: Володимир Новак 18.08.2016
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Володимир Новак в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.