Русинский поэт Владимир Рошко “Од до‌лины до Гове‌рлы в Пудкарпа‌тю, та гі пе‌рлы, Кернички‌ Бог розмета‌в. Бы русна‌кум вô‌ду да‌в…”

СЯТА ВОДИЧКА

Од до‌лины до Гове‌рлы
В Пудкарпа‌тю, та гі пе‌рлы,
Кернички‌ Бог розмета‌в.
Бы русна‌кум вô‌ду да‌в.

Гі слыза‌, вô‌ду чисте‌ньку,
На смак фа‌йну, студене‌ньку.
Б’є із зе‌мли у керни‌чку,
Поточко‌м несе‌ води‌чку.

Поточки‌ злива‌вуться,
Рікô‌в розтіка‌вуться.
Пô‌ять че‌лядь, звірину‌,

Пô‌ять ай зеленину‌.
Ушы‌ткôму даву‌ть жы‌ти,
Бо ушы‌тко хô‌че пи‌ти.

Вô‌ду, што Гôспô‌дь нам да‌в,
Русна‌к зда‌вна хоснова‌в.
Хôсну‌вучи, сокоти‌в
Ай на не‌ї ся моли‌в:

Бы не вда‌рила сухо‌та,
Бы не по‌била спраго‌та.
Чи‌стилися кернички‌,
Од гôлузя‌ поточки‌.

Честова‌ли, гі жыво‌є,
Про русна‌ку дорого‌є.
Сята‌ во‌да три‌мле на‌с,
Ро‌ки ку‌лькі, ку‌лький ча‌с.

Гô‌рня во‌ды – мі‌ра че‌сти.
Сесе‌ ма‌єме доне‌сти
На‌шым з ва‌ми діточка‌м.
Бы ся пла‌вало качка‌м?

І сесе‌ бы ма‌ло бы‌ти.
Вô‌ду ма‌єме люби‌ти,
Бо без не‌ї на сюм сві‌ті
Буде‌, гі в пусты‌ни влі‌ті.

Во‌да – бла‌го про жытя‌.
А без не‌ї лем кустя‌
Опста‌не на зе‌мли сю‌й.
Ты, русна‌ку, се учу‌й.

Діточка‌м на‌шым, уну‌кам,
Ай смере‌кам в Кра‌ю, бу‌кам,
Із води‌чкôв най ся жы‌є,
Най нас по‌йить ай умы‌є.

Автор: Володимир Рошко

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Володимир Рошко в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.