НИСЬКА ЯНА Ни́ська Я́на! За Іва́на Пи́ти мош уже́к од ра́на. В Пудкарпа́тю сьись сохта́ш Збе́рать че́лядь у рока́ш. Дись лем на́́йдуть Іванка́ І тіче́ рікôв гурька́. Зна́вуть ко́трогось Іва́на З по́стели стягну́ти зра́на. Айбо́ се не пияти́ка, Та гі ви́лы, не моты́ка. За здорốвля Івану́ Му́сай ву́пити. Ану́! До́ґде єде́н, ко Іва́н, Слави́ть ни́ська, нись вун па́н. Ся́то ся́том. А дару́нки? Ни чичо́к. Хіба́ цюлю́нки. Івана́м нич не даву́ть, Лем за ї́хні грốші п’ю́ть. За здорốвля. То не грі́х. Най ся п’є, най чу́ти смі́х. У русна́ку ся́то Я́на Сла́влять го́лосно, до ра́на. Івану́ у нас честу́вуть, Бо на ка́ждум крốці чу́́вуть Межи се́бе сесе́ мня́. Так не кли́чуть лем коня́. Івану́ у Кра́ю мно́го. За́то за сього́ сято́го Бу́лше п’ють, гі за Ільку́, Петру́, Павлу́ ци Юрку́. І я хốчу посочи́ти Вшы́тким Янча́м фа́йно жы́ти! Бы здорốвля не хіби́ло І серинчốв путь стели́ло! Автор: Володимир Рошко
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Володимир Рошко в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
